PKL 2021-22, 12th Day Results : पुणेरी पलटनचा ४०-२९ असा पराभव करत बेंगळुरू बुल्स टॉपवर


प्रो कबड्डी लीग सिझन-८ मध्ये बेंगळुरू बुल्सने पुणेरी पलटनचा ४०-२९ असा मोठ्या फरकाने पराभव केला.

Advertisement

Pro Kabaddi League 2021-22 GGvHS & PUNvBLR : प्रो कबड्डी लीग सिझन-८ मध्ये बेंगळुरू बुल्सने पुणेरी पलटनचा ४०-२९ असा मोठ्या फरकाने पराभव केला. या विजयासह गुणतालिकेत बेंगळुरू संघ टॉपवर पोहचला आहे. दुसरीकडे गुजरात जायंट्सला हरियाणा स्टीलर्सने ३८-३६ ने पराभूत केलंय. १४ पॉईंट्सने मागे पडल्यानंतर गुजरातने झुंजार खेळी करत हा फरक केवळ २ पॉईंटवर आणून ठेवला. मात्र, ही झुंज कमी पडली आणि हरियाणाने बाजी मारली.

यंदाच्या हंगामात पुणेरी पलटणला सातत्यपूर्ण कामगिरी करता आलेली नाही. दोन्ही संघांच्या मोहिमेची सुरुवात पराभवाने झाली, पण त्यानंतर बेंगळुरू बुल्सने आपल्या चुका सुधारत विजयाची हॅट्ट्रिक साधली. दुसरीकडे पुणेरी पलटणच्या पराभवाची मालिका सुरूच आहे.

Advertisement

पुणेरी पलटन गुणतालिकेत १२ व्या म्हणजे शेवटच्या क्रमांकावर

बुल्सचा कर्णधार पवन सेहरावत ११ पॉईंट घेऊन स्टार रेडर ठरला. मागील ६ सामन्यांपैकी बेंगळुरूचा हा चौथा विजय आहे. हा संघ सध्या २३ पॉईंट्ससह क्रमांक एकवर आहे. दुसरीकडे पुणेरी पलटनने ५ पैकी ४ सामन्यात पराभव पत्करला आहे. त्यामुळे ५ गुणांसह पलटन १२ व्या म्हणजे शेवटच्या क्रमांकावर आहे.

हेही वाचा : प्रो-कबड्डी लीग : कधी, कुठे आणि कसे पाहता येणार सामने? जाणून घ्या एका क्लिकवर!

Advertisement

आजच्या सलामीच्या सामन्यात हरियाणा स्टीलर्सने गुजरात जायंट्सवर ३८-३६ असा निसटता विजय नोंदवला. गुजरातच्या राकेशने एकूण १९ गुण घेतले. हरियाणाच्या विकास कंडोलाने ११ गुण घेत आपल्या संघाला दोन गुणांनी विजय मिळवून दिला. हरियाणाची अष्टपैलू खेळाडू मीतूनेही सुपर टेन पूर्ण केला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

Advertisement





Source link

Advertisement