Internet Explorer : इंटरनेट एक्सप्लोरर बंद होणार, मायक्रोसॉफ्टचा निर्णय


Advertisement

Internet Explorer : मागील दोन दशकांहून अधिक काळ सेवा देणारं इंटरनेट एक्सप्लोरर (Internet Explorer) हे वेब ब्राऊझर (Web Browser) 15 जून 2022 पासून बंद होणार आहे. मायक्रोसॉफ्ट कंपनीन (Microsoft) हे वेब ब्राऊझर बंद करण्याचा निर्णय घेतला आहे. म्हणजेच बुधवारपासून इंटरनेट एक्सप्लोरर बंद होणार आहे. इंटरनेट एक्सप्लोरर गेली 27 वर्ष जगभरातील नेटकऱ्यांचा एक भाग बनला होता. 1995 मध्ये इंटरनेट एक्सप्लोरर हे ब्राऊझर सुरु करण्यात आलं होतं.

मायक्रोसॉफ्ट कंपनीनं कम्प्यूचर ऑपरेटिंग सिस्टम Windows 95 साठी अॅड-ऑन पॅकेज म्हणून इंटरनेट एक्सप्लोरर सुरु केलं. नंतर कंपनीने या पॅकेजअंतर्गत हे ब्राउझर मोफत देण्यास सुरुवात केली. एकेकाळी इंटरनेट एक्सप्लोरर हे ब्राऊझर अत्यंत लोकप्रिय होतं. 2000 सालानंतर त्याच्या वापरकर्त्यांची संख्या झपाट्यानं वाढली. 2003 मध्ये या वेब ब्राउझर मार्केट शेअर जवळपास 95 टक्क्यांपर्यंत वाढला होता आणि जगभरातील जवळजवळ प्रत्येकजण इंटरनेट एक्सप्लोरर वापरत होता. पुढे गुगल क्रोम, फायरफॉक्स असे ब्राउझर बाजारात आले. त्यांच्या तुलनेत इंटरनेट एक्सप्लोरर स्वतःला अपडेट करू शकला नाही आणि बाजारात मागे पडला. हळूहळू लोकांनी इंटरनेट एक्सप्लोरर वापरणं बंद केलं.

Advertisement

आता 15 जून रोजी इंटरनेट एक्सप्लोरर बंद होणार असून त्याची जागा मायक्रोसॉफ्ट एज् (Microsoft Edge) घेणार असल्याची घोषणा मायक्रोसॉफ्ट कंपनीनं केली आहे. 

Microsoft Edge मध्ये मिळणार Internet Explorer ची सेवा 

Advertisement

इंटरनेट एक्सप्लोररची सेवा मायक्रोसॉफ्ट एजमध्ये उपलब्ध असेल. मायक्रोसॉफ्ट कंपनीनं सांगितलं आहे की, विंडोज 10 वरील इंटरनेट एक्सप्लोरर सेवा आता मायक्रोसॉफ्ट एजमध्ये उपलब्ध असेल. मायक्रोसॉफ्ट एज हा इंटरनेट एक्सप्लोररपेक्षा वेगवान, अधिक सुरक्षित आणि आधुनिक ब्राउझर आहे. मायक्रोसॉफ्टने 2016 मध्ये इंटरनेट एक्सप्लोरर वेब ब्राउझर अपडेट करणं बंद केलं. मायक्रोसॉफ्टने इंटरनेट एक्सप्लोरर बंद करण्याचा निर्णय घेतला. मायक्रोसॉफ्टच्या या निर्णयाचा लोकांवर फारसा परिणाम होणार नाही कारण बहुतेक लोक आधीच इतर वेब ब्राउझर वापरत आहेत.

Advertisement



Source link

Advertisement