12 वीचा निकाल लागला…: अमरावती विभाग राज्यात चौथ्या क्रमांकावर, 92.75 टक्के विद्यार्थी उत्तीर्ण; मुलीच अव्वल

अमरावती विभागीय शिक्षण मंडळाचा यावर्षीचा निकाल हा राज्यात चौथ्या क्रमांकावर आहे. पाच जिल्ह्यांची व्याप्ती असलेल्या या विभागातून यावर्षी ९२.७५ टक्के विद्यार्थी उत्तीर्ण झाले. परीक्षेसाठी १ लाख ३९ हजार ७६९ विद्यार्थ्यांनी नोंदणी केली होती. त्यापैकी १ लाख ३८ हजार ५६४ विद्यार्थी परीक्षेसाठी प्रविष्ठ झाले तर १ लाख २८ हजार ५२१ विद्यार्थी उत्तीर्ण झाले.

नेहमीप्रमाणे यावर्षीही मुलींनी बाजी मारली असून मुलींचे उत्तीर्ण होण्याचे प्रमाण ९४.८३ टक्के असून मुलांच्या उत्तीर्णतेचे प्रमाण ९०.९४ टक्के आहे. अकोला, अमरावती, बुलडाणा, यवतमाळ व वाशिम हे पाच जिल्हे मिळून अमरावती विभागीय शिक्षण मंडळ तयार झाले आहे. यावर्षी मंडळाच्या परीक्षेवर महसूल खात्यांच्या पथकांची देखरेख होती. त्यामुळे कॉपीला जराही थारा नव्हता. तरीही पाच जिल्हेमिळून २० कॉपी बहाद्दरांना एका परीक्षेपुरते दूर ठेवण्यात आल्याची माहिती मंडळाच्या अध्यक्ष निलीमा टाके व सचिव तेजराव काळे यांनी यावेळी दिली.

काळे म्हणाले, राज्यात ९६.०१ टक्क्यांसह कोकण विभागाने प्रथम क्रमांक पटकावला असून ९३.३४ टक्क्यांसह पुणे दुसऱ्या तर ९३.२८ टक्क्यांसह कोल्हापुर तिसऱ्या क्रमांकावर आहे. त्यानंतर अमरावतीचा (९२.७५) क्रमांक येत असून विदर्भात तो पहिल्या क्रमांकावर आहे. नागपुरचा निकाल ९०.३५ टक्के एवढा आहे. परीक्षेदरम्यान केलेल्या काही सुधारणा, वर्षभर बजावलेली विद्यार्थीकेंद्रीत भूमिका व परीक्षेदरम्यान तयारीसाठी प्रत्येक पेपरला किमान एक दिवस दिलेला वेळ यामुळे हे शक्य झाले, हेही सचिव व अध्यक्षांनी स्पष्ट केले.

अशी आहे जिल्हानिहाय टक्केवारी

शाखानिहाय निकालाची टक्केवारी अशी