मेहकर, बुलढाणा11 मिनिटांपूर्वी
- कॉपी लिंक
समृद्धी महामार्गावरील मेहकर-सिंदखेडराजा दरम्यान (जि. बुलढाणा) लोणार तालुक्यातील शिवणी पिसा नजीक इर्टिगा गाडीला भीषण अपघात झाला आहे. यात सहा जण जागीच ठार झाले. तर सहा जण गंभीर जखमी झाले आहेत. तर बहुतांश जखमी तसेच मृत हे छत्रपती संभाजीनगरमधील एन-11 मधील रहिवाशी असल्याची माहिती मिळाली आहे.
हा अपघात रविवारी सकाळी लोणार तालुक्यातील शिवणी पिसा ते दुसरबीड दरम्यान घडला. भरधाव वेगातील इर्टिगा गाडी ही रस्त्याच्या मधोमध असलेल्या डिव्हायडरमध्ये घुसली व तीन ते चार पलट्या मारून दुसऱ्या बाजूच्या रस्त्यावर उलटली. या अपघातामध्ये चार जण घटनास्थळीच ठार झाले तर दोन जणांचा रुग्णालयात उपचारादरम्यान मृत्यू झाला. मृतकांची नावे अद्याप स्पष्ट झालेली नाहीत. या वाहनामध्ये जवळपास 13 जण होते, अशी माहिती आहे. यात काही लहान मुलांचाही समावेश होता.
देवदर्शनासाठी जात होते, MSEB चा कर्मचारी
अपघातग्रस्त ईर्टीगाचा क्रमांक एम एच 20 – 8962 आहे. एन-11 द्वारकानगरचे रहिवासी असून एमएसईबीचा कर्मचारी आहे. ते त्यांच्या कुटुंबासह देवदर्शनासाठी समृद्धी महामार्गावरून जात होते.
समृद्धी महामार्गावरील आत्तापर्यंतच्या अपघाताच्या घटना …
- नागपूर जिल्ह्यातील टोलनाक्याजवळच दोन कारचा अपघात, अपघातात गाडीचा अक्षरशः चुराडा.
- जालना जिल्ह्यातील सोमठाण्याजवळ कार लोखंडी खांबाला धडकली.
- पिंप्रीमाळी (जि. बुलढाणा) परिसरात दुभाजकाच्या खड्डयात ट्रक उलटून अपघात.
- वाशिममध्ये केनवड येथे गॅस सिलिंडर घेऊन जाणारा ट्रक उलटल्याने अपघात.
- औरंगाबाद जिल्ह्यातील घायगाव शिवारात धावत्या कारने अचानक पेट घेतला.
- अमरावती जिल्ह्यातील धामणगाव येथे लग्नवन्हाडाच्या कारचा टायर फुटल्याने अपघात.
- सिंदखेडराजा तालुक्यात झालेल्या कार अपघातात बालकासह तीनजण जखमी.
- जालना येथील निधोना इंटरचेंजजवळ ट्रक उलटल्याने अपघात.
अपघातस्थळावरील फोटो….
हे ही वाचा
समृद्धी महामार्गावर अपघातांची मालिका सुरुच:नागपूरहून औरंगाबादला जाणाऱ्या ट्रॅव्हल्सचा भीषण अपघात, 1 ठार 20 जखमी
नागपूरहून औरंगाबादच्या दिशेने जाणाऱ्या राही ट्रॅव्हल्स या खासगी बसचा समृद्धी महामार्गावर भीषण अपघात झाला आहे. बुलडाणा जिल्ह्यातील देऊळगाव राजाजवळील असोला फाट्याजवळ हा अपघात झाला. अपघातात एका प्रवाशाचा मृत्यू झाला असून 20 प्रवासी जखमी झाले आहेत. – येथे वाचा संपूर्ण बातमी
