नागपूर20 तासांपूर्वी
- कॉपी लिंक
भाजपा नेत्या सना खान यांचा मृतदेहमध्य प्रदेशातील गुमगाव येथील नदीपात्रातील विहिरीतून मिळाल्याचे पोलिसांनी सांगितले होते. मात्र, हा मृतदेहसना यांचा नसल्याचे डीएनए चाचणीतून स्पष्ट झाल्याने सनाचा मृतदेह गेला कुठे, असा प्रश्न उपस्थित झाला आहे. यापूर्वी सापडलेला महिलेचा मृतदेह सनाचा नसल्याचा दावा कुटुंबीयांनी केल्यामुळे प्रकरणाचे गूढ वाढले होते.
विहिरीतून प्राप्त मृतदेहाचे कपडे सना यांनी अखेरच्या दिवशी घातलेल्या कपड्यांशी मिळतेजुळते होते. त्यामुळे तो मृतदेह सना यांचा असल्याची शंका पोलिसांना होती. मात्र सनाच्या घरच्यांनी मृतदेह सनाचा नसल्याचे सांगितल्यामुळे मृतदेहाची डीएनए चाचणी करण्याचा निर्णय घेण्यात आला. त्यासाठी स्थानिक न्यायालयातून परवानगी मिळवत, मृतदेहाचे नमुने घेण्यात आले. ते नागपूरच्या फॉरेन्सिक लॅबमध्ये तपासणीसाठी पाठवण्यात आले. डीएनए टेस्टसाठी पोलिसांनी सना यांच्या आई मेहरुन्निसा यांच्या रक्ताचे नमुने घेतले होते.
सना खानचा नवरा अमित ऊर्फ पप्पू साहू या हत्या प्रकरणात मुख्य आरोपी आहे. रॉडने प्रहार करूनसना खानची हत्या केल्याची कबुली पप्पू साहू याने दिली आहे. त्यानंतर मृतदेह हिरेन नदीत फेकून दिला. पप्पू साहूने सना खान यांचा मृतदेह फेकला ती हिरेन नदी३ किलोमीटरवर नर्मदा नदीला मिळते. मृतदेह हिरेन नदीतून नर्मदा नदीत वाहत आल्याची शक्यता होती. मात्र, अजूनही पोलिसांना सनाचा मृतदेह सापडलेला नाही. पोलिसांनी मृतदेह शोधणाऱ्याला एक लाखाचे बक्षीसही जाहीर केले होते.
