शाळेतील मुलींना मिळाल्या नवीन सायकली: चावी हाती घेताना १०० मुलींच्या चेहऱ्यावर फुलले हास्य

शिक्षणासाठी खेड्या पाड्यातून पायी चालत येणाऱ्या सांगोला व मंगळवेढा तालुक्यातील गरीब व गरजू मुलींना १०० सायकलचे वाटप करण्यात आले. अटलास कॉपको व सीएफटीआय मुंबई यांच्या सहकार्याने अस्तित्व संस्थेच्या पुढाकारातून हा उपक्रम घेण्यात आला. नवीन सायकलच्या चाव्या हातात घेतना मुलींच्या चेहऱ्यावर हास्य फुलले होते.

सांगोला येथील बंधन पॅलेस येथे सांगोला पोलिस ठाण्याचे पोलिस निरिक्षक अनंत कुलकर्णी यांच्या हस्ते हा कार्यक्रम झाला. “अस्तित्व” संस्थेच्या माध्यमातून समाजाच्या शेवटचा घटक डोळ्यासमोर ठेऊन चालू असलेले काम नव्या पिढीला प्रेरणा देणारं व आदर्श घालून देणारं असल्याचे मत त्यांनी व्यक्त केले.

यावेळी अटलास कॉपको इंडिया प्रा.लिमिटेडचे व्यवस्थापक अभिजित पाटील, सीएफटीआयचे प्रकल्पाधिकारी अमित देशमुख, “अस्तित्व”चे अध्यक्ष शहाजी गडहिरे, संभाजी ब्रिगेडचे अरविंद केदार, सामाजिक कार्यकर्ते बापुसाहेब ठोकळे, अरुण कसबे, अॅड.सुनिता धनवडे, माजी नगरसेविका सुनिता खडतरे, जितेंद्र जगधणे, वाणी चिंचाळेच्या सरपंच प्रियांका गडहिरे, माजी नगसेवक किशोर बनसोडे आदी उपस्थित होते.

यावेळी बोलताना गडहिरे यांनी गेल्या दोन वर्षात १६० सायकलचे वाटप केल्याचे सांगितले. अभिजित पाटील म्हणाले, गरजू मुलींना सायकल वाटपाचा हा उपक्रम असाच पूढे चालू ठेऊन ग्रामीण भागातील मुलीच्या शिक्षणाला प्रोत्साहन देण्याचा प्रयत्न आहे. यावेळी संभाजी ब्रिगेडचे अरविंद केदार म्हणाले, गडहिरे यांच्या माध्यमातून अस्तित्वतर्फे नियमित नाविन्यपूर्ण उपक्रम राबवले जातात आणि त्याचा उपयोग तालुक्यातील वंचित आणि दुर्लक्षित घटकांना होतो आहे ही तालुक्याच्या दृष्टीने अभिमानाची बाब आहे. यावेळी देशमुख व गवळी यांनीही मनोगत व्यक्त केले. सायकलीची चावी हातात मिळताच मुली गहिवरुन गेल्या. म्हणाल्या आम्ही निश्चितपणें शिक्षण पुर्ण करु. सूत्रसंचलन माधुरी जाधव यांनी केले. कार्यक्रमासाठी प्रविण सूर्यगंध, खंडेराव लांडगे, विजय धनावडे, सुनिता गडहीरे, नितीन वाघमारे, विशाल काटे, विराज लांडगे व संकल्प गडहिरे विशेष परिश्रम घेतले.

निवासी आश्रम शाळा डीकसळ, जवाहर विद्यालय घेरडी, मॉडर्न हायस्कूल घेरडी, उदयसिंह देशमुख विद्यालय वाढेगाव, सरदार शामराव लिगाडे विद्यालय अकोला, कै.संभाजीराव शेंडे विद्यालय, मेडशिंगी, विद्यानिकेतन हायस्कूल गौडवाडी, प्रगती विद्यालय वाणीचिचाळे, गुरूदत्त विद्यालय वाकी, लक्ष्मीदेवी विद्यालय राजुरी, ता. सांगोला तसेच स्वामी विवेकानंद विद्यालय व ज्युनिअर कॉलेज गोनेवाडी बाळकृष्ण विद्यालय नंदेश्वर ता. मंगळवेढा आदी.