विनायक मेटेंच्या निधनानंतर पत्नी ज्योती मेटेंच्या खांद्यावर मोठी जबाबदारी? कार्यकर्त्यांनी एकमुखाने केली मागणी


मुंबई : शिवसंग्राम पक्षाचे संस्थापक आणि माजी आमदार विनायक मेटे यांचं नुकतंच अपघाती निधन झालं. मराठा समाजाच्या विविध प्रश्नांसाठी राजकीय आणि सामाजिक व्यासपीठांच्या माध्यमातून लढा देणाऱ्या विनायक मेटेंच्या निधनाने राज्यभरात हळहळ व्यक्त करण्यात येत आहे. विनायक मेटे यांच्या अकाली निधनाने कार्यकर्त्यांसह त्यांच्या कुटुंबावरही मोठा आघात झाला आहे. अशातच शिवसंग्राम पक्षाच्या कार्यकारिणीची गुरुवारी महत्त्वपूर्ण बैठक झाली. या बैठकीत कार्यकर्त्यांनी एकमुखाने आगामी काळात शिवसंग्राम पक्षाचं नेतृत्व दिवंगत विनायक मेटे यांच्या पत्नी डॉ. ज्योती मेटे यांनी करावं, असा ठराव केला आहे.

Advertisement

विनायम मेटे यांनी शिवसंग्राम पक्षाच्या माध्यमातून राज्यभरात कार्यकर्त्यांचं जाळ विणलं आहे. मात्र मेटे यांच्या निधनाने पक्षसंघटनेचं पुढे काय होणार, याबाबत प्रश्नचिन्ह उपस्थित झालं. या पार्श्वभूमीवर गुरुवारी शिवसंग्रामच्या कार्यकारिणीची बैठक झाली. या बैठकीत विविध मुद्द्यांवर चर्चा झाली. डॉ. ज्योती मेटे यांनी यापुढे पक्षाचं नेतृत्व करावं, तसंच भाजपने त्यांना विधानपरिषदेवर संधी द्यावी, अशी मागणीही कार्यकर्त्यांनी या बैठकीच्या माध्यमातून केली आहे.

मोहित कंबोज यांच्यानंतर भाजपच्या आणखी एका नेत्याचं सूचक वक्तव्य, राष्ट्रवादी काँग्रेसचे ५ नेते ईडीच्या रडारवर?

नेमकं काय आहे कार्यकर्त्यांचं म्हणणं?

सुरुवातीला राष्ट्रवादी काँग्रेसच्या माध्यमातून राजकारणात सक्रिय असलेल्या विनायक मेटे यांनी पुढे शिवसंग्राम या आपल्या स्वत:च्या पक्षाची स्थापना केली. मेटे यांच्या शिवसंग्रामने महायुतीद्वारे भाजपला आपला पाठिंबा दिला होता. भाजपच्या मदतीने ते विधानपरिषदेवरही गेले होते. मात्र काही महिन्यांपूर्वीच त्यांची विधानपरिषद सदस्यत्वाची मुदत संपली. त्यामुळे मेटे यांना ‘सरप्राइज गिफ्ट’ दिलं जाईल, असं म्हणत भाजप नेतृत्वाने त्यांना पुन्हा विधानपरिषद आमदार म्हणून संधी देण्याचे संकेत दिले होते. या पार्श्वभूमीवर भाजपने विनायक मेटे यांना दिलेलं आश्वासन त्यांच्या पत्नी ज्योती मेटे यांनी विधानपरिषदेवर घेऊन पूर्ण करावं, अशी मागणी शिवसंग्रामच्या कार्यकर्त्यांकडून करण्यात आली आहे.

Advertisement

सत्ताबदल होताच सिंचन घोटाळ्यावरुन गदारोळ, ३०२ निविदा, २८ गुन्हे; कोणते बडे मासे अडकणार?

दरम्यान, मेटे यांच्या अपघातानंतर ड्रायव्हरकडून देण्यात आलेल्या माहितीमध्ये तफावत आढळल्याने घातपाताचा संशय व्यक्त करण्यात येत आहे. त्यामुळे राज्य सरकारने अपघात प्रकरणाची चौकशी करण्याचे आदेशही दिले आहेत. मात्र कार्यकर्त्यांनी याबाबत भूमिका मांडण्याआधी कार्यकारिणीतील सदस्य अथवा ज्योती मेटा यांच्याशी चर्चा करावी, असं आवाहनही शिवसंग्रामकडून करण्यात आलं आहे.

Advertisement



Source link

Advertisement