छत्रपती संभाजीनगर2 तासांपूर्वी
- कॉपी लिंक
भारत – इंडोनेशिया दरम्यान द्विपक्षीय व्यापार वृध्दीसाठी इंडोनेशिया वाणिज्य व पर्यटन विभाग व महाराष्ट्र चेंबर ऑफ कॉमर्स संयुक्क्त उपक्रम राबवणार आहे. इंडोनेशियाचे भारतातील महावाणिज्यदूत जनरल एड्डी वर्दोयो यांच्याशी बोलून झाले आहे. अशी माहीती महाराष्ट्र चेंबर ऑफ कॉमर्सचे अध्यक्ष ललित गांधी यांनी दिली.
इंडोनेशिया चे भारतातील नवनियुक्त महावाणिज्यदुत (काऊन्सील जनरल) एड्डी वर्दोयो यांनी महाराष्ट्र चेंबर ऑफ कॉमर्स च्या पदाधिकार्‍यांना भेटीसाठी आमंत्रित केले होते. त्याप्रसंगी ळ वर्दोयो म्हणाले की भारत व इंडोनेशिया यांचे वाणिज्य, पर्यटन व सांस्कृतिक संबंध अतिशय चांगले असुन उभय देशांमधील व्यापार व पर्यटन वाढीबरोबरच सांस्कृतिक संबंध वृध्दिगत करण्यासाठी आपले कार्यालय प्रभावीपणे कार्य करेल अशी ग्वाही त्यांनी दिली. तसेच व्यापार व पर्यटनासंबंधी संयुक्त कार्यक्रमाच्या कार्यकक्षा निश्‍चितीसाठी महाराष्ट्र चेंबर च्या पदाधिकार्‍यांना इंडोनेशिया भेटीचे निमंत्रण दिले.
ललित गांधी यांनी यावेळी महाराष्ट्र चेंबर तर्फे महाराष्ट्रातील उत्पादने जागतिक स्तरावर पोहोचविण्यासाठी ‘मायटेक्स’ या नावाने आंतरराष्ट्रीय व्यापार प्रदर्शनांची श्रृंखला सुरू केल्याचे सांगुन 6 ऑक्टोबर पासून नाशिक येथे व 20 ऑक्टोबर पासून पूणे येथे सुरू होणार्‍या प्रदर्शनासाठी इंडोनेशियाचे उद्योजकांचे शिष्टमंडळास आमंत्रित केले, महावाणिज्यदुत (काऊन्सील जनरल) एड्डी वर्दोयो यांनी या आमंत्रणाचा स्विकार केला.
महाराष्ट्रातुन कृषि उत्पादने, स्टील, ऑटोकंपोनंटस्, प्लास्टीक उत्पादने इंडोनेशियात निर्यात करण्यासाठी तसेच इंडोनेशियामधून खाद्यतेल, कॉफी, चॉकलेट, बांधकाम साहीत्य यांच्या आयातीच्या संभावना निश्‍चित करण्यासाठी महाराष्ट्र चेंबरच्या शिष्टमंडळाने 14 ते 20 ऑक्टोबर या कालावधीत इंडोनेशियाला भेट देण्याचा निर्णय या बैठकीत घेण्यात आला.याप्रसंगी चेंबरचे उपाध्यक्ष कांतीलाल चोपडा, छत्रपती संभाजीनगर चे तनसुख झांबड, सरव्यवस्थापक सागर नागरे, कार्यकारी अधिकारी नितिन भट आदि उपस्थित होते.
