मुंबईत टिव्ही मालिकेच्या सेटला आग: गोरेगाव फिल्मीसीटीतील घटना, अग्निशामक दलाच्या जवानांचे घटनास्थळी मदतकार्य

मुंबईतील गोरेगाव फिल्मसीटीतील ‘गुम है किसी के प्यार मे’ टीव्ही मालिकेच्या सेटला भीषण आग लागल्याची घटना घडली. आग मोठी असून या आगीतून काही कलाकारांना सुखरूप बाहेर काढण्यात आले आहे. मात्र अद्यापही काही कलाकार या आगीत आडकल्याची भीती व्यक्त होत आहे.

गोरेगाव फिल्मीसीटीतील घटना

आगीची माहिती स्थानिकांनी अग्निशामक दलाला दिली. त्यानंतर अग्निशामक दलाच्या गाड्या गोरेगाव फिल्मीसीटीत दाखल झाल्या आहेत. आग आटोक्यात आणण्याचा प्रयत्न जवान करीत आहेत. ‘गुम है किसी के प्यार मे’ या मालिकेचे शुटींग या ठिकाणी सुरू होते.

बचावकार्य सुरू

गोरेगाव फिल्मीसीटीत लागलेल्या आगीमुळे धुराचे लोळ उठत असून आग बाजूला पसरू नये यासाठी काळजी घेतली जात आहे. तसेच सेटमध्ये लागलेल्या आगीत काही सहकलाकार आणि इतर व्यक्ती अडकल्याची शक्यताही वर्तविण्यात आली आहे.