नाशिक20 मिनिटांपूर्वी
- कॉपी लिंक
भूगोल विषयात लोकसंख्या विश्लेषण, ग्रामीण विकास, पर्यावरण या क्षेत्रात समाजसेवी व शासकीय सेवेत करिअरच्या संधी मिळू शकतात. तसेच भूगोल तज्ज्ञ म्हणून विविध विभागात व संशोधन क्षेत्रात कामाची संधी मिळू शकते, अशी माहिती क्रांतिवीर व्ही. एन. नाईक कॉलेजमधील प्रा. स्नेहल कासार यांनी दिली. गोएसाेच्या नाशिकरोड येथील बिटको महाविद्यालयात जागतिक भूगोल दिनानिमित्त भौगोलिक प्रदर्शनाचे आयोजन करण्यात आले होते.
त्याप्रसंगी भूगोल विषयातील संधी या विषयावरील व्याख्यानात मार्गदर्शन करताना त्या बोलत होत्या. याप्रसंगी महाविद्यालयाच्या प्राचार्या डॉ. मंजूषा कुलकर्णी, प्रा. नरेश पाटील, डॉ. सुधाकर बोरसे, प्रा. लक्ष्मण शेंडगे आदी मान्यवर उपस्थित होते. बीएससी व बीएच्या दुसऱ्या व तिसऱ्या वर्षातील विद्यार्थ्यांनी या प्रदर्शनात सहभाग घेतला होता. सूत्रसंचालन डॉ. सुधाकर बोरसे यांनी केले.
