नगर4 तासांपूर्वी
- कॉपी लिंक
जैन इंटरनॅशनल ट्रेड आर्गनायझेशन (जितो)च्या अहमदनगर शाखेतर्फे नगर शहरात २५ ते २९ जानेवारी या कालावधीत ‘जितो महाट्रेड फेअर २०२३” चे आयोजन करण्यात आले आहे. नगर-पुणे रोडवरील केडगाव इंडस्ट्रीयल इस्टेट समोरील १० एकरच्या प्रांगणात हा महाट्रेड फेअर होणार आहे. या महाट्रेड फेअरची तयारी अंतिम टप्प्यात आली आहे. अलिशान टेंट उभारण्यात आला आहे. स्टॉल बुकींगलाही प्रतिसाद मिळाला आहे. याठिकाणी दररोज विविध तज्ञांचे मार्गदर्शन, चर्चासत्र तसेच महाराष्ट्र प्रथमच बबल थिएटरच्या माध्यमातून फिल्म फेस्टिव्हलही आयोजित करण्यात आला आहे.
नगरच्या विकासाला चालना देणारी महापर्वणी या माध्यमातून उपलब्ध झाली आहे, अशी माहिती जितो अहमदनगरचे चेअरमन जवाहर मुथा, प्रोजेक्ट चेअरमन अमित मुथा यांनी दिली. जितो रेस्ट ऑफ महाराष्ट्रचे व्हाईस चेअरमन गौतम मुनोत म्हणाले, महाट्रेड फेअर मध्ये कृषी, उत्पादने, आय.टी, टेलिकॉम, शिक्षण, ग्राहकोपयोगी उत्पादने, अपना बाजार, ॲटोमोबाईल, बांधकाम साहित्य, रियल इस्टेट, अंतर्गत सजावट, लघु उद्योग, महिलांसाठी घरगुती उद्योगाशी, आधुनिक तंत्रज्ञान, नगरच्या वैद्यकीय क्षेत्राची प्रगती संबधित दालन संबंधित ३५० हून अधिक स्टॉल्स असणार आहेत.
या महाट्रेडच्या माध्यमातून राज्यासह देशातील विविध क्षेत्रातील आस्थापना, कंपन्या, उत्पादक नगरमध्ये येणार आहेत. बबल थिएटरच्या माध्यमातून इंटरनॅशनल फिल्म फेस्टिव्हल अहमदनगरचे आयोजन करण्यात आले आहे. यात राष्ट्रीय पारितोषिक विजेत्या फिचर फिल्मस, डॉक्युमेंटरी पहायला मिळतील. २८ रोजी फिल्म फेस्टिव्हलमध्ये अनेक दिग्गज सेलिब्रिटी, कलाकार येणार आहेत. बबल थिएटर नगरकरांसाठी एक विलक्षण अनुभव ठरेल, असा विश्वास गौतम मुनोत यांनी व्यक्त केला.
