पुणेएका तासापूर्वी
- कॉपी लिंक
नशाबाजी करण्यासाठी पहाटे वेळी खिडकी., उघड्या दरेवाटे घरात शिरून मोबाईल चोरणाऱ्या एकास गुन्हे शाखेच्या युनिट १ ने अटक केली आहे. त्याच्याकडून ५ लाख ६८ हजार ३०० रुपयांचे तब्बल ३२ मोबाईल व एक दुचाकी जप्त करण्यात आली आहे. रैय्यान उर्फ फईम फय्याज शेख (वय-२०, मिठानगर, कोंढवा,पुणे) असे अटक करण्यात आलेल्या नशेबाज चोराचे नाव आहे.
सोमवार पेठेतील हिरा सदन बिल्डिंग मधून एका घराचे दार उघडे असतांना ३३ हजारांचे ४ मोबाईल आणि रोख रक्कम चोरीला गेल्याची घटना ३ सप्टेंबर रोही घडली होती. याप्रकरणी समर्थ पोलीस ठाण्यात फिर्याद दाखल करण्यात आली होती. या गुन्हाच समांतर तपास युनिट १ चे पथक करत होते. या गुन्ह्यातील आरोपी भवानी पेठेतील त्रिवेणी गार्डन येथे येणार असल्याची माहिती पोलीस अंमलदार दत्ता सोनावणे यांना गुप्त बातमीदार मार्फत माहिती मिळाली होती. यानंतर सापळा रचून रैय्यान शेख ला ताब्यात घेऊन चौकशी केली असता त्याच्या जवळ असणाऱ्या बॅग मध्ये वेगवेगळ्या कंपन्यांचे ३२ मोबाईल आढळून आले. त्याने हे मोबाईल शहरातील विविध भागातून उघड्या दरवाजा आणि खिडकीमधून घरात प्रवेश करत तसेच पायी चालणाऱ्यांच्या हातून चोरून नेले आहेत. तसेच चोरी करण्यासाठी त्याने दुचाकी चोरल्याचे सांगितले.
रैय्यान शेख याने खडक, फरासखाना, कोंढवा, समर्थ पोलीस ठाण्याच्या हद्दीत जुलै २०२३ ते ३ सप्टेंबर या कालावधीत चोऱ्या केल्या आहेत. रैय्यान शेख कडून आता पर्यंत ९ गुन्हे उघडकीस आणले आहेत. ही कारवाई सहाय्यक पोलीस आयुक्त सुनील तांबे यांच्या यांच्या मार्गदर्शनखाली युनिट १ चे वरिष्ठ पोलीस निरीक्षक शब्बीर सैय्यद, सहाय्यक पोलीस निरीक्षक आशिष कवठेकर, पोलीस उपनिरीक्षक सुनील कुलकर्णी, पोलीस अंमलदार दत्ता सोनवणे, अण्णा माने, अभिनव लडकत शुभम देसाई, अमोल पवार, अजय थोरात, शशिकांत दरेकर यांनी केली.
