तळेगाव: शतकोत्तर परंपरा लाभलेल्या तळेगाव दशासर येथील शंकरपटाचा नऊ वर्षांनी थरार..‎

परंपरा लाभलेल्या तळेगाव दशासर येथील‎ शंकरपटाला नऊ वर्षांनंतर रविवारी (दि. १५) दो-दाणी‎ शर्यतीपासून सुरूवात झाली. २० जानेवारीपर्यंत‎ चालणाऱ्या या शंकरपटाचा पहिला दिवस शिव-जाधव,‎ शिवा- संभा, शिवा-संग्राम या बैलजोडींनी गाजवला.‎

यामध्ये यवतमाळ जिल्ह्यातील नांद सावंगी येथील मंगेश‎ सरोकार यांच्या शिव-जाधव या बैलजोडीने १२.१५‎ सेकंदात अंतर पार करून प्रथम क्रमांक पटकावला, तर‎ जालना जिल्ह्यातील कानजोडी येथील बंडू चव्हाण‎ यांच्या शिवा-संभा यांच्या जोडीने १२.७४ सेकंदात अंतर‎ पार करून द्वितीय, तर धामणगाव रेल्वे तालुक्यातील‎ शेंदुरजना खुर्द येथील राजू देशमुख यांच्या शिवा-संग्राम‎ या बैलजोडीने १२.८६ सेकंदात अंतर पार करून तृतीय‎ क्रमांक प्राप्त केला.