प्रतिनिधी | अमरावती / धामणगाव3 तासांपूर्वी
- कॉपी लिंक
रेल्वे वडील दारू पिऊन घरात वारंवार वाद करतात. त्यांच्या याच त्रासाला कंटाळून मुलाने चुलत भावाच्या मदतीने वडिलांचा खून केला. या प्रकरणी ग्रामीण दलाच्या पोलिसांनी मृताच्या मुलासह पुतण्याला शनिवारी (दि. २०) उशिरा रात्री अटक केली आहे. ही घटना कुऱ्हा ठाण्याच्या हद्दीतील तरोडा शिवारात शनिवारी सकाळी उघड झाली होती. सतीश गंगाधर कुरटकार (४२, रा. जळगाव आर्वी, धामणगाव रेल्वे) असे मृताचे, तर अभी सतीश कुरटकार (१९, रा. जळगाव आर्वी) आणि यश जगदिश कुरटकार (१ ९, रा.खडक सावंगा बाभुळगाव) अशी मारेकऱ्यांची नावे आहे.
सतीश कुरटकार यांचा मृतदेह आढळल्यानंतर पोलिसांनी मृताची ओळख पटवली. त्यानंतर कुरटकार यांच्या गावात जाऊन माहिती घेतली तसेच कुटुंबीयांसोबत चर्चा केली. त्यावेळी १९ मे रोजी सकाळी सतीश यांचा कुटुंबीयांसोबत वाद झाल्याचे समोर आले. यापूर्वीही अनेकदा सतीश दारू पिऊन घरात वाद घालायचे. यापूर्वी यशच्या आईसोबत सुध्दा सतीश यांनी वाद घालून त्यांच्या अंगावर धाव घेतली होती. त्यामुळे यश आणि अभीने सतीश यांचा काटा काढण्याचा कट आखला. दरम्यान, १९ मे रोजी सायंकाळी अभी आणि यश हे सतीश यांना बाहेर नाश्ता करण्यासाठी घेऊन गेले. त्यानंतर रात्री नऊ वाजताच्या सुमारास तरोडा परिसरात पोहोचले. त्याठिकाणी अभी आणि यश या दोघांनी कुऱ्हाड आणि चाकूने सतीश यांच्यावर वार करुन त्यांचा खून केला आणि ते घरी निघून आलेत. दरम्यान, २० मे रोजी सकाळी तरोडा शिवारात अनोळखी मृतदेह आढळला. ही माहिती कुऱ्हा पोलिसांना मिळताच त्यांनी घटनास्थळी जाऊन पाहणी केली तसेच सोशल मीडियाच्या मदतीने मृताची ओळख पटवली. त्यानंतर तपासचक्रे फिरवून यश आणि अभीला ताब्यात घेतले. ही कारवाई एलसीबीचे पीआय तपन कोल्हे, पीएसआय मुलचंद भांबुरकर, पुरूषोत्तम यादव, मंगेश लकडे, सचिन मसांगे, मंगेश यांनी केली.
