चांदूर बाजार39 मिनिटांपूर्वी
- कॉपी लिंक
चांदुर बाजार कृषी उत्पन्न बाजार समितीच्या सभापतिपदी राजेंद्र याऊल यांची, तर उपसभापती गजेंद्र गायकी यांची बिनविरोध निवड झाली. निवडणूक प्रक्रिया बाजार समितीच्या सभागृहात पार पडली. निवडणूक निर्णय अधिकारी म्हणून आर. मदारे यांनी ही काम पाहिले.
बाजार समितीच्या सभापती व उपसभापती पदासाठी गुरुवारी निवडणूक प्रक्रिया पार पडली. माजी मंत्री आमदार बच्चू कडू यांच्या प्रहार जनशक्ती पार्टीने निवडणुकीत एकहाती सत्ता काबीज केल्यानंतर सभापती आणि उपसभापती ही त्याच पक्षाचा होणार, हे स्पष्ट होते. त्यामुळे आमदार बच्चू कडू यांच्या संमतीनेच सभापती, उपसभापती पदाचे उमेदवार ठरविण्यात आले. यावेळी मोठ्या संख्येने प्रहारचे पदाधिकारी-कार्यकर्ते तसेच सहकार क्षेत्रात काम करणारी नेते मंडळी उपस्थित होती. पहिल्यांदा बारी समाजाला नेतृत्व : कृषी उत्पन्न बाजार समितीच्या सभापती पदाकरिता जातपातीचा विचार न करता यावेळी प्रहारने बारी समाजाला प्रतिनिधित्व दिले. त्यानुसार सभापतिपदी राजेंद्र याऊल यांची निवड केली गेली. तर उपसभापतीपदी गजेंद्र गायकी यांची निवड करुन प्रहारने सामान्य कार्यकर्त्याचा सन्मान केला. अशाप्रकारे आमदार कडू यांनी गायकी यांना त्यांच्या कार्याची पावती दिली, अशा प्रतिक्रिया प्रहारच्या कार्यकर्त्यांनी व्यक्त केल्या.
शेतकऱ्यांना कुठला ही त्रास होणार नाही यासाठी योग्य धोरण ठरवून काम करा. शेतकरी हा बाजार समितीमधून हताश जाऊ नये, याकडे सभापती आणि उपसभापती तसेच संचालक यांनी लक्ष ठेवून काम करावे. प्रहार पक्ष हा कधीच जाती-पाती, धर्माचा विचार करून राजकारण करत नाही. सभापती, उपसभापती, संचालक यांना शुभेच्छा आणि जे या निवडणुकीसाठी झटले त्या सामान्य कार्यकर्ते, नेते त्यांना देखील धन्यवाद, असे अामदार बच्चू कडू म्हणाले.
शेतकरी हिताला प्राधान्य एक सामान्य कार्यकर्ता ते सभापती हा प्रवास खूप मोठा आहे. पण माजी राज्यमंत्री तथा आमदार बच्चूभाऊ कडू यांनी माझ्यासाठी तो लहान केला, याबद्दल त्यांचे खूप आभार. माझे इतर संचालक सहकारी यांनीदेखील माझ्यासाठी खूप कष्ट उपसले, त्यांचे देखील आभार. शेतकऱ्यांना कुठल्याही प्रकारचा त्रास होणार नाही तसेच शेतकरी हितासाठी नवनवीन धोरण राबवले जाईल, ही ग्वाही देतो.
– राजेंद्र याऊल, सभापती
