पुणे7 तासांपूर्वी
- कॉपी लिंक
पिंपरी- चिंचवड शहरा मध्ये चिखली परिसरात दुचाकीवरून आलेल्या अज्ञात दोन जणांनी एका तरुणवर गोळीबार केल्याची घटना घडली असून यात तो गंभीर जखमी होऊन मयत झाला आहे. सोन्या तापकीर असे मयत तरुणाचे नाव आहे.
त्याला रुग्णालयात उपचारसाठी दाखल केले असता त्यास डॉक्टरांनी उपचारापूर्वीच मयत झाल्याचे घोषित केले.सोमवारी दुपारी अडीच वाजन्याच्या सुमारास ही घटना घडल्याचे चिखली पोलिसांनी सांगितले आहे. भरदिवसा झालेल्या या घटनेमुळे पिंपरी- चिंचवड परिसरात खळबळ उडाली आहे.
पिंपरी- चिंचवड पोलीस आयुक्तालयातील चिखली परिसरात एका दुचाकीवरून आलेल्या दोघांनी सोन्या तापकीर याच्यावर जवळून गोळ्या झाडल्या आहेत. यात तो गंभीर जखमी होऊन मयत झाला आहे. अद्याप गोळीबाराचे कारण अस्पष्ट असल्याचे पोलिसांनी सांगितले आहे. भरदिवसा झालेल्या या घटनेमुळे पिंपरी- चिंचवड शहरात पुन्हा एकदा खळबळ उडाली आहे.
पिंपरी- चिंचवड पोलिस आयुक्तालयातील तळेगाव दाभाडे येथे 12 मे रोजी किशोर आवारे यांची नुकतीच भरदिवसा गोळ्या झाडून आणि कोयत्याने वार करून हत्या केली गेली होती. त्यानंतर आता पुन्हा भरदिवसा गोळीबाराची घटना घडल्याने पिंपरी-चिंचवड परिसरात कायदा आणि सुव्यवस्थेचा प्रश्न निर्माण झाला आहे. याबाबत चिखली पोलीस पुढील तपास करत आहे.
