अकोला22 मिनिटांपूर्वी
- कॉपी लिंक
आराध्य दैवत श्री राजराजेश्वर मंदिरातील कालिका देवी मंदिराचा सुवर्ण लेपित कलशारोहण सोहळ्यानिमित्त आयोजित शतचंडी महायज्ञाला सुरुवात झाली या शतचंडी महायज्ञाला रविवारी, २२ जानेवारी रोजी गणपती पूजन, मंडप पुजन, स्वस्ती पुण्याह वाचन, देवता स्थापना करुन उत्साहात प्रारंभ झाला. उत्सवाअंतर्गत साेमवार ते गुरुवारपर्यंत दररोज सकाळी ८ ते दुपारी २ पर्यंत शतचंडी पाठ व हवन होणार अाहे. गुरुवारी २६ जानेवारी रोजी श्री कालिका देवी मंदिरावर सुवर्णलेपीत कलशारोहण होवून शतचंडी यज्ञाची पुर्णाहूती होणार आहे. या निमित्ताने दुपारी ११ ते २ पर्यंत महाप्रसाद आयोजित केला. दरराेज दुपारी ३.३० ते ५.३० वाजतापर्यंत भजन-प्रवचनही आयोजित केले . या कलशारोहणानिमित्त आयोजित शतचंडी यज्ञाचा भाविकांनी दर्शनाचा लाभ घेण्याचे आवाहन श्री राजराजेश्वर संस्थान व श्री कालिका देवी जोगवा उत्सव समितीच्यावतीने केले आहे.
