आरसीबीचा महत्वाचा क्वालिफायर-२चा सामना आज राजस्थान रॉयल्सबरोबर होणार आहे. पण या सामन्यापूर्वी आता आरसीबीच्या संघाला मोठा धक्का बसला आहे. कारण दिनेश कार्तिककडून एक मोठी चूक घडली आहे आणि आयपीएलच्या प्रशासकीय समितीने त्याला फटकारले आहे. आयपीएलच्या एलिमिनेट सामन्यात दिनेशने एक मोठी चूक केली होती आणि दिनेशने आपली ही चूक यावेळी मान्यही केली आहे.
आरसीबीचा आज महत्वाचा क्वालिफायर-२ हा सामना राजस्थान रॉयल्सबरोबर होणार आहे. या सामन्यापूर्वी आता आरसीबीला मोठा धक्का बसला आहे. कारण आरसीबीचा महत्वाचा खेळाडू दिनेश कार्तिकने नियमांचे उल्लंघन केल्याचे आता समोर आले आहे आणि त्याला आता आयपीएलच्या प्रशासकीय समितीने फटकारले आहे. दिनेश कार्तिकने या मोसमात आतापर्यंत १५ सामने खेळले आहेत, ज्यामध्ये त्याने ६४.८० च्या प्रभावी सरासरीने ३२४ धावा केल्या आहेत. यामध्ये एका अर्धशतकाचा समावेश आहे. दिनेशने आतापर्यंत २२ चौकार आणि २७ षटकार फटकावले आहेत.
आरसीबी आणि लखनौ यांच्यामध्ये एलिमिनेटरचा सामना खेळवण्यात आला होता. या सामन्यात दिनेशने २३ चेंडूंमध्ये ३७ धावांची दमदार खेळी साकारली होती. त्याचबरोबर शतकवीर रजत पाटीदारबरोबर त्याने ४१ चेंडूंमध्ये ९२ धावांची भागीदारीही रचली होती. पण या सामन्यात दिनेशकडून एक चुक झाल्याचे म्हटले गेले आहे. याबाबत आयपीएलने एक पत्रक काढले आहे आणि याबाबत माहिती दिली आहे. आयपीएलने आपल्या पत्रकात म्हटले आहे की, “दिनेश कार्तिक हा आयपीएल आचारसंहितेच्या कलम २.३अंतर्गत लेव्हल-१ मध्ये दोषी आढळला आहे. आपली चूक झाल्याचे यावेळी दिनेशने मान्यही केले आहे.”
आरसीबीने कसा केला क्वालिफायर-२मध्ये प्रवेश, पाहा…
रजत पाटीदारचे धडाकेबाज शतक आणि त्याला मिळालेली गोलंदाजांची सुरेख साथ यावेळी आरसीबीने लखनौ सुपर जायंट्सवर १४ धावांनी विजय साकारला आणि क्वालिफायर-२मध्ये प्रवेश केला. रजतने यावेळी ५४ चेडूंत १२ चौकार आणि सात षटकारांच्या जोरावर नाबाद ११२ धावांची खेळी साकारली, त्यामुळेच त्यांना लखनौच्या संघापुढे २०८ धावांचे आव्हान ठेवता आले. रजतला आरसीबीच्या संघाने लिलावात घेतले नव्हते. लनवित सिसोदिया नावाचा आरसीबीचा खेळाडू दुखापतग्रस्त झाला आणि त्याऐवजी रजतला फक्त २० लाख रुपये देत त्यांनी संघात स्थान दिले. पण आजच्या सामन्यात हाच रजत आरसीबीसाठी हुकमी एक्का ठरला. त्यामुळे आता क्वालिफायर-२ च्या महत्वाच्या सामन्यात रजत पाटीदार कशी कामगिरी करतो, याकडे सर्वांचे लक्ष लागलेले असेल.
