आयपीएलच्या १५व्या हंगामात पुन्हा एकदा करोनाचा विळखा गडद होताना, बीसीसीआयकडे लक्ष

आयपीएलच्या १५व्या हंगामात पुन्हा एकदा करोनाचा विळखा गडद होताना, बीसीसीआयकडे लक्ष
आयपीएलच्या १५व्या हंगामात पुन्हा एकदा करोनाचा विळखा गडद होताना, बीसीसीआयकडे लक्ष

दिल्लीच्या संघाला आता अजून एक मोठा धक्का बसला आहे. कारण दिल्ली कॅपिटल्सच्या संघातील आता डॉक्टरलाच करोना झाल्याचे समोर आले आहे. दिल्लीच्या संघातील चौथ्या सदस्याला करोनाची लागण झाल्याचे आता समोर आले आहे. जर डॉक्टरांनाच करोना झाला तर खेळाडूंनी पाहायचे तरी कोणाकडे… असा सवाल आता दिल्ली कॅपिटल्सच्या संघाला पडेलला आहे. कारण दिल्लीच्या संघातील मराठमोळे डॉक्टर अभिजित साळवी यांना आता करोनाची लागण झाल्याचे समोर आले आहे. त्यामुळे दिल्लीच्या संघाला आता मोठा धक्का बसला आहे. त्यामुळे आता दिल्लीच्या संघातील करोना बाधित व्यक्तींची संख्या चारवर गेली आहे.

दिल्लीच्या डॉक्टरांना कसा झाला करोना, जाणून घ्या…

Advertisement

दिल्लीच्या संघातील डॉक्टर अभिजित साळवी हे आता करोना पॉझिटीव्ह असल्याची माहिती मिळाली आहे. साळवी हे दिल्लीचा खेळाडू मिचेल मार्श आणि फिजिओ पॅट्रीक फरहार्ट यांच्या संपर्कात वारंवार आले होते. त्यामुळे त्यांना आता करोनाची लागण झाल्याचे समोर आले आहे. दिल्लीच्या संघातील सर्व सदस्यांच्या आज करोना चाचण्या घेण्यात आल्या होत्या. त्यामधील काही चाचण्यांचे अहवाल आता समोर आले आहेत. त्यामध्ये आता दिल्लीचे डॉक्टर साळवी यांनाही करोना झाला आहे. त्यामुळे त्यांना आता क्वारंटाइन करावे लागणार आहे.

मिचेल मार्शला विलगीकरणामध्ये ठेवणार

Advertisement

मिचेल मार्श हा दिल्लीचा एकमेव खेळाडू आहे, ज्याला करोनाची बाधा झाली आहे. त्यामुळे त्याला आता १० दिवस विलगीकरणामध्ये ठेवण्यात येणार आहे. मार्श आता १० दिवस दिल्लीच्या कोणत्याही सदस्यांच्या संपर्कात नसेल. या १० दिवसांनंतर मार्शच्या पुन्हा एकदा करोनाच्या तीन चाचण्या घेण्यात येतील आणि या चाचण्यांमध्ये तो निगेटीव्ह सापडला तरच त्याला संघात पुन्हा प्रवेश दिला जाणार आहे.

दिल्लीचा पुढचा सामना पंजाबशी

Advertisement

दिल्लीचा आता पुढचा सामना पंजाब किंग्सबरोबर बुधवारी होणार आहे. त्यामुळे या सामन्यापूर्वी दिल्लीच्या संघातील सर्व खेळाडूंच्या करोना चाचण्यांचे अहवाल आलेले असतील. त्यामुळे आता बुधवारीच दिल्लीच्या संघाची नेमकी परिस्थिती काय आहे, हे स्पष्ट होण्यास मदत होऊ शकते. सध्याच्या घडीला तरी याबाबत कोणतीही अधिकृत माहिती बीसीसीआय किंवा दिल्ली कॅपिटल्सने दिलेली नाही. बुधवारी दिल्लीचा सामना पुण्याला होणार आहे. त्यासाठी कदाचित त्यांना मंगळवारी पुण्याला रवाना व्हावे लागू शकते. त्यावेळी दिल्लीचा संघ नेमकी काय भूमिका घेतो, हे पाहणे सर्वांत महत्वाचे ठरणार आहे.

Advertisement