अपघात: फर्दापूरच्या शिवारात अपघात; सपोनि केदार यांना छत्रपती संभाजीनगरला हलवले‎

पोलिस ठाण्याच्या जीपचे दोन‎ टायर फुटल्यामुळे झालेल्या अपघातात ‎ ‎ सहायक पोलिस निरीक्षक व पोलिस ‎ ‎ अंमलदार हे गंभीर जखमी झाले असून ‎ ‎ कारचे मोठे नुकसान झाले. सोयगावहून ‎ ‎ फर्दापूरला येत असताना फर्दापूर‎ शिवारातील काळा पट्टा शिवारात रविवारी ‎ ‎ सकाळी साडेदहा वाजेच्या सुमारास ही ‎ ‎ घटना घडली.‎ जळगावचे पोलिस अधीक्षक हे आज ‎ ‎ सकाळी अजिंठा लेणीला भेट देण्यासाठी‎ येत असल्याने त्यांची भेट घेण्यासाठी‎ सोयगाव पोलिस ठाण्याचे सहायक पोलिस ‎ ‎ निरीक्षक अनमोल केदार व त्यांचे सहकारी ‎ ‎ चालक पोलिस अंमलदार रवींद्र तायडे हे ‎ ‎ सोयगाववरून शासकीय कारने (एमएच‎ २० एफवाय ६८९७) फर्दापूरकडे येत हाेते.‎ फर्दापूर शिवारातील काळा पट्टा शिवारात‎ येताच त्यांच्या कारचे डाव्या बाजूचे मागील‎ आणि पुढेचे असे दाेन्ही टायर अचानक‎ फुटले आणि कारने दोन पलट्या घेऊन‎ रस्त्याच्या बाजूला गेली. या अपघातात‎ सपाेनि. अनमोल केदार यांच्या उजव्या‎ हाताला व मानेला जबर मार लागला व‎ चालक पोलिस अंमलदार रवींद्र तायडे‎ यांच्या हाताला मार लागला. दाेन्ही‎ जखमींना सोयगाव येथील ग्रामीण‎ रुग्णालयात दाखल केले. प्राथमिक उपचार‎ ‎ करून सपाेनि. अनमोल केदार पुढील‎ उपचारासाठी छत्रपती संभाजीनगर येथील‎ खासगी रुग्णालयात दाखल केले आहे. या‎ घटनेची फर्दापूर पोलिस ठाण्यात नोंद केली.‎ पुढील तपास पोलिस अंमलदार नीलेश‎ लोखंडे, योगेश कोळी हे करत आहेत.‎