पुणे30 मिनिटांपूर्वी
- कॉपी लिंक
पुणे नगर मार्गावर आज पहाटे खासगी बस पलटी झाली. लोणीकंद येथे झालेल्या या अपघातात जीवितहानी नसून काही प्रवाशी जखमी झाले. त्यांच्यावर रुग्णालयात उपचार सुरू आहेत.
अष्टविनायक यात्रेसाठी ही बस जात हाेती. चालकाचे नियंत्रण सुटल्याने अपघात झाला असल्याची प्राथमिक माहिती आहे.
नक्की काय झाले?
पुणे- नगर महामार्गावर लोणीकंद येथील पुलगाव गावाजवळ एका खासगी बसचा सकाळी सातच्या सुमारास अपघात झाला.
अष्टविनायक यात्रेसाठी ही बस निघाल्याची प्राथमिक माहिती समोर येत असून या अपघातात 4 ते 5 प्रवासी जखमी झाले असून त्यांना रुग्णालयात दाखल करण्यात आले आहे.
चालकाचे सुटले नियंत्रण
वाघोलीच्या पुढे असणाऱ्या लोणीकंद येथील पुलगावाजवळ चालकाचे नियंत्रण सुटल्याने हा अपघात झाला. घटनेची माहिती मिळताच पलटी झालेली बस सरळ करण्यासाठी क्रेन दाखल झाले असून पुढील कारवाई पोलिस करत आहेत.
पुणे नगर महामार्गावर अपघातांची संख्या वाढत आहेत. चालकाचे नियंत्रण सुटल्याने बहुतांश अपघात झालेले दिसतात. वाहनाच्या वेगामुळे प्रवाशांच्या जीवाशी खेळ होत असून याकरता तातडीने उपाय करणे गरजेचे आहे.
