अधिकाऱ्यांना विचारणा: तुरीचे भाव पाडल्याच्या निषेधार्थ‎ स्वाभिमानीचे रास्ता रोको आंदाेलन‎


मलकापूर‎27 मिनिटांपूर्वी

Advertisement
  • कॉपी लिंक

येथील बाजार समिती मधील अडते‎ व व्यापाऱ्यांनी तुरीचे भाव‎ पाडल्याच्या निषेधार्थ स्वाभिमानी‎ शेतकरी संघटनेच्या वतीने आज १३‎ जानेवारी रोजी राष्ट्रीय महामार्ग‎ क्रमांक सहावर रास्ता रोको‎ आंदोलन केले. या आंदोलनामुळे‎ महामार्गावरील दोन्ही बाजुला‎ वाहनाच्या लांबच लांब रांगा‎ लागल्या होत्या.‎ दोन दिवसांपूर्वी येथील बाजार‎ समितीत तुरीला ७ हजार २०० ते ७‎ हजार ६०० रुपये भाव होता. परंतु‎ आज अचानक मार्केटमध्ये तुरीची‎ आवक वाढल्याने बाजार समिती‎ मधील अडते व व्यापाऱ्यांनी बेभाव‎ सहा हजारांपासून बोली लावणे सुरू‎ केली. खामगाव मार्केटला आजचा‎ तुरीचा भाव ७ हजार ५०० रुपये भाव‎ आहे. तर दुसरीकडे येथील बाजार‎ समितीत बेभाव बोली लावली जात‎ आहे. याबाबत शेतकऱ्यांनी वारंवार‎ विचारणा करून देखील अधिकारी‎ कर्मचारी कोणीच बोलायला तयार‎ नाही. त्यामुळे संतप्त झालेल्या‎ स्वाभिमानी शेतकरी संघटनेचे‎ सचिन शिंगोटे यांनी मार्केटमध्ये‎‎‎‎‎‎‎‎‎‎‎‎‎‎ जाऊन अधिकाऱ्यांना विचारणा‎ केली. परंतु कोणीच बोलायला तयार‎ नव्हते. शेवटी त्यांनी शेतकऱ्यांना‎ घेऊन राष्ट्रीय महामार्ग क्रमांक‎ सहावर रास्ता रोको आंदोलन केले.‎

Advertisement

या आंदोलनात शेकडो शेतकरी‎ सहभागी झाले होते. त्यानंतर शहर‎ ठाणेदार अशोक रत्नपारखी यांनी‎ शेतकरी व उत्पन्न बाजार समिती‎ कमिटी सोबत चर्चा करून मार्ग‎ काढू तोपर्यंत रस्ता मोकळा करावा,‎ असे आवाहन शेतकऱ्यांना व‎ स्वाभिमानी शेतकरी संघटनेला‎ केले. या आश्वासनानंतर‎ शेतकऱ्यांनी आपले आंदोलन मागे‎ घेतले. चर्चेनंतर पुन्हा खरेदीची‎‎‎‎‎‎‎‎‎‎‎‎‎‎ सुरूवात ७ हजार २०० रुपया पासून‎ बोली सुरु झाली. तुरीचे भाव‎ वाढवल्याने शेतकऱ्यांमध्ये‎ आनंदाचे वातावरण तयार झाले.‎ भविष्यात पुन्हा बाजार समितीने बे‎ भाव तुरीची खरेदी केल्यास तीव्र‎ आंदोलन करण्यात येईल, असा‎ इशारा स्वाभिमानी शेतकरी‎ संघटनेच्या वतीने देण्यात आला.‎ या आंदोलनात स्वाभिमान शेतकरी‎ संघटनेचे तालुकाध्यक्ष सचिन‎ शिंगोटे, जिल्हाध्यक्ष अमोल‎ राऊत, तालुका अध्यक्ष नारखेडे,‎ शिवाजी हिवाळे, अजय बावस्कर‎ यांच्यासह शेकडो शेतकरी‎ सहभागी झाले होते.‎

Advertisement
बातम्या आणखी आहेत…



Source link

Advertisement